ازاى تعرف ان اخوك واقع لشوشته و بيحب

ازاي تعرف ان اخوك واقع لشوشته و بيحب !!!
دققوا كويس عشان تعرفوا ان كان واحد من اخواتك الصبيان بيحب و واقع لشوشته و لا لأ و ساعتها هتعرفوا تستغلوه كويس ...





يلا ركزوا معايا ...





بيهتم بلبسه اوي و بيهتم ان كان لون البنطلون لايق مع لون القميص و لا لأ .. و الوقفه قدام المرايه بتطول لأربع ساعات او يمكن اكتر .. عامل زحمه صح ؟!!





بيهتم بقصه شعره و يا عيني على الجل اللي بيحطه .. بيحط العبله كلها !!



بيبقى حنون خالص و بيلعب مع اخواته الصغيريين .. يا عم يا حنون انت !!



يبقى رومانسي .. قال ايه الرومانسيه بتشر منه و عاطفي زياده عن اللزوم بحيث اذا شاف فيلم رومانسي و هو بيتفرج يحاول ينزل دموعه عشان يبان اكتر رومانسيه



طول الوقت سرحان و مستني حاجه .. الله اعلم هي ايه !!



مشغول اوي و مش معاكم خالص .. طاير في السما من الحب يا عيني



يبدأ يتصور في الاستوديوهات اللي بيطلع الوحش قمر و الاسمراني ابيضاني



الموبايل يبقى 24 ساعه في ايده .. و عاوز ياخد الموبايل كل شويه و يدور على رسايل الحب و الغرام .. لان طبيعي ان كل رسايلهم نكت



يهتم شويه بالموضه و الجديد .. يعني يعمل روحه فاهم و مراكب الموضه و بيجدد في النيو لوك و كده يعني



اذا هو خلاص دايب بالحب دوب .. يبدأ يلخبط في اسامي اخواته البنات باسامي تانيه ( فاهمين طبعا اسامي ايه )



تبدأ كلمات لطيفه تدور على لسانه ( يا عمري .. يا روحي .. و أأمري ) يا عيني على الاحترام .. من امتى ده كله !!



يتقلب شاعر و يألف شعر رومانسي .. قال ايه عامل نفسه نزار القباني









اي حد يلاحظ الحاجات دي على اخواته الولاد .. يبدأ في استغلال الوضع و يستعمل اسلوب التهديد



و هتلاقي طلباتك كلها مجابه